Tux Paint er eit gratis, norsk teikneprogram for dei yngste. Det har eit veldig enkelt og lettbrukt brukargrensesnitt, men har òg mange flotte og artige funksjonar.
Det finst få nynorske barnespel og barneprogram, men her er endelig eit. (Og ja, det finst òg tilgjengelig på bokmål.) Det er eit teikneprogram, spesielt utvikla for dei yngste. Derfor er det veldig lett å bruka (sjølv far kan klara det!), men samtidig kraftig. Du kan rett og slett laga skikkelig fine teikningar med det!
Her er nokre av funksjonane du finn i Tux Paint:
- Vanlig frihandsteikning (med forskjellige penslar)
- Teikning av linjer
- Teikning av geometriske figurar
- Skriving av tekst
- Ymse «magiske» funksjonar (som regnbogefargar)
- Angrefunksjon med mange nivå
- Veldig enkel lagring og opning av teikningar
- Utskrift av teikningar
- «Stempel»
Sistnemnte punkt krev ein liten kommentar. Med «stempel» meiner eg små ferdiglaga figurar du kan stempla teikningane dine med. Det følgjer med (i ein eigen pakke) godt over 100 slike teikningar, av alt frå eple og bananer til tekanner og pingvinar. Dette er noko av det kjekkaste i heile programmet.
Du finn meir informasjon, samt nedlastingslenkjer på heimesida til Tux Paint.
![[Bilde frå programmet Tux Paint, med ei landskapsteikning. 52,65 KiB PNG.]](/bilde/tux-paint-landskap-stor.png)
![[Bilde frå programmet Tux Paint, med ei skummel teikning. 41,29 KiB PNG.]](/bilde/tux-paint-skummelt-stor.png)
![[Bilde frå programmet Tux Paint, med ei glad teikning. 41,70 KiB PNG.]](/bilde/tux-paint-smil-stor.png)
Kjempefint for ungene.
Kan dette Tux Typing kjøres på windows7?
Eg har ikkje prøvd det sjølv, men eg reknar med Tux Typing fungerer på Windows 7.