Eg oppdaga tilfeldigvis at eg i det siste har mista mykje av e-posten eg har fått tilsendt. Grunnen var ein feil i e-postmottakingsprogrammet eg brukar.
So viss du har sendt meg ein e-post du saknar svar på, venligst send han på nytt. Eg pleier svara på alt (med tid og stunder). Hugs òg at du kan senda meg lynmeldingar. Dette er den føretrekte kontaktmåten om du ønskjer svar kjapt.
E-postadressa mi er som alltid karl@huftis.org. Eg har òg eit elektronisk visittkort (vCard) du kan importera til adresseboka di. Og har du eit skikkelig e-postprogram, vil det då kunna oppdatera adresseinformasjonen regelmessig – heilt automatisk.
Har du lese om hCard-formatet? Det er eigentlig berre eit framlegg til ein standardisert måte å skrive html-kode for namn og adresser på. Når nettsider brukar hCard-formatet kan dei rette programmene identifisere koden og dra ut eit vCard av han.
Det er ikkje så mange av «dei rette programmene» enno, men X2V kan i alle fall omsette hCard frå nettsider til vCard i adresseboka.
Eg har leika meg litt med hCard-formatet på min eigen side og på kontaktsida til Opplysning 1890. Ta ein kikk, eg trur dette er noko for deg!