Karl Ove Hufthammer

Christmas With The New Black Eagle Jazz Band

14. desember 2007

Eg har tidligare blogga om favorittjuleplata mi, Anne Sofie von Otters fantastiske Home for Christmas. Men på ein veldig god andreplass kjem Christmas With The New Black Eagle Jazz Band, ei juleplate med musikk i New Orleans-stil.

Det finst tallause plater med oppjazza versjonar av gamle juleklassikarar, men her går det verkelig mange på dusinet. Christmas With The New Black Eagle Jazz Band skil seg ut ved ikkje berre vera ei god juleplate; det er ei god jazzplate, og ei fantastisk plate i det heile.

Ein kan vanskelig trå feil med trombone, tuba og ein herlig vokal, og dette er plata som år etter år gjev meg i godt humør, og som eg aldri blir lei. Men ta ikkje mitt ord for at musikken er so bra. På CD Baby kan du nemlig høra lange lydklipp frå fleire av spora. Mitt favorittspor er for øvrig Blue Christmas, som hørast.

Og fortvil ikkje over at det er for seint å bestilla CD-en før jul. På ovennemnte nettsida kan du nemlig kjøpa plata i nedlastbart MP3-format for ein billig penge (spesielt slik dollarkursen er no). Og då er vel julelykka sikra!

Emne: Musikk

[Abonner på kommentarar til artikkelen]

Kommentarar

Legg til kommentar





Du kan bruka dei vanligaste elementa og attributta i HTML. Avsnitt lagar du med vanlige linjeskift. Eg kan komma til å gjera typografiske og ortografiske endringar i innlegg (men vil aldri endra sjølve innhaldet), samt fjerna upassande innlegg.

Skriven av Karl Ove Hufthammer og driven med WordPress. Du kan abonnera på innleggs-RSS eller kommentar-RSS.